Aixerrota mendibizikletazaleen elkartea

http://aixerrota.blogspot.com :: Uribe Kostako MBzaleak :: MB ibilbideak :: MB markak eta akzesorioak


Zuberoren dendan, aholku bila bizikleta aukeratzerakoan

Luis Zubero arratiarraren dendara jo dut. Bilboko Diputazio kale zentrikoko 3. zenbakian dago eta Ciclos Zubero du izena dendak. Bertara joan naiz erosleek eduki ohi duten zalantza bat argitu nahian. Adituen aholkua beharrezkoa dugu, bizikleta asko baitaude merkatuan, oso desberdinak direnak: suspentsio bakarreko bizikletak eta suspentsio bikoak, zein erosi, hor dago zalantza. Suspentsioa izaten da bereizgarritasunaren seinale sarriro. Dendan, Dorleta dago kutxan eta Luis eta Iker bizikletak konpontzen topatzen ditugu. Atsegin handiz, lanari uzten diote eta egiten diegun galderari erantzuteko prest ageri dira. Azken buruan, egiten diedan galdera, gomendioa da; bizikleta gogor eta suspentsio bikoen artean aukeraz. Honako erantzuna ematen digute:
"Suspentsio biko bizikleten salmenta nagusitzen ari da gaur egun. Prezioari dagokionez, 1000 euro ingurukoak dira eta edonondik ibiltzeko balio dute. Suspentsio bikoen abantailak honakoak dira: erosotasuna, bizkarrerako hobeak, seguritate handiagoa ematen digute eta aldapan gora eta behera egokiagoak dira. Suspentsio bakarrekoak rallyetarako erabiltzen dira eta merkeagoak topa ahal ditugu gehienetan, nahiz eta garestiak ere badiren."
Beraz, badakizue zein den adituaren gomendioa bizikleta gogorra, hau da, suspentsio bakoa edo bakarrekoa, edo suspentsio bikoa erosteko zalantzatan egonez gero.

Erantzunen kopurua: 0 “Zuberoren dendan, aholku bila bizikleta aukeratzerakoan” artikuluan

Post a Comment

Artikulu honi eginiko loturak

Create a Link